राजाधिराज-राघव-पूजित-
रङ्गराजप्रभुं भजेहम् ॥ रा ॥

कमलालालित-किङ्किणिभूषित-
कमलचरणं भजेहम् ॥ रा ॥

काञ्चीभूषित-कटितट- शोभित-
कनकाम्बरवरं भजेहम् ॥ रा ॥

मणिमय- मेखला - मध्य- विराजित-
कनककटिसूत्रं भजेहम् ॥ रा ॥

ललितवलीयुत-कमलदलोदर-
विलसितनाभं भजेहम् ॥ रा ॥

श्रीवत्साङ्कित-वक्षःस्थलोपरि-
शोभित-कौस्तुभं भजेहम् ॥ रा ॥

केसर-कर्पूर-चन्दनचर्चित-
श्यामल-विग्रहं भजेहम् ॥ रा ॥

माधवी -जाति-चम्पक-मल्ली-
तुलसिमालिनं भजेहम् ॥ रा ॥

अंसालम्बित-कुन्तल-चञ्चल-
कुण्डलयुगलं भजेहम् ॥ रा ॥

मन्दस्मित-ललिताननं सूचित-
भक्तानुग्रहं भजेहम् ॥ रा ॥

योगनिद्रा-मीलितलोचनं
अपि पश्यन्तं भजेहम् ॥ रा ॥

उपधानी-कृत- भुज- विन्यस्त-
कमलवदनं भजेहम् ॥ रा ॥

कटितट-लम्बित-दीर्घमहाभुज-
कनक-कङ्कणं भजेहम् ॥ रा ॥

सहस्र-फणाफण-संयुत-शेष-
पर्यङ्कशायिनं भजेहम् ॥ रा ॥

शरणागत--जनरक्षण- दुरन्धर-
सर्वस्वामिनं भजेहम् ॥ रा ॥

प्रेमिक-भावुक-भक्त-मण्डल-
समाश्रित-चरणं भजेहम् ॥ रा ॥

कीर्तनावलिः

Select a song